DC ЕРТӨНЦИЙН ХАМГИЙН УХААЛАГ 10 ДҮР

10. GORILLA GRODD
Маш их ухаантай бодлоор харилцаж чаддаг Gorilla энэ жагсаалтанд орохгүй юм бол өөр хэн орох юм бэ? Grodd-ийн гарал үүсэл нь сонирхолтой ба түүнийг Африкт амьдарж байх үед харь гаригийн сансрын хөлөг осолдож нисгэгч нь супер оюун ухааны туяаг тарааж өгснөөр бий болжээ. Тэрээр хүчирхэг, харгис суут ухаантан тул түүнийг хэзээ ч дутуу үнэлж болохгүй.

9. BARBARA GORDON 
Barbara Gordon нь Commissioner Gordon-ийн охин ба хоёрдох Batgirl юм. Хэсэг хугацааны турш тэрээр хөдөлж чадахгүй болж Oracle гэх нэрийн дор үйл ажиллагаагаа явуулж Justice League-ийн хэд хэдэн гишүүд болон Bat-Family-ийн гишүүдэд мэдээлэл өгдөг байсан ба олон жилийн турш тэдний хамгийн найдвартай холбоотон байсан юм. Энэ нь түүний маш өндөр IQ болон гэрэл зураг санах ой түүнээс гадна тулааны урлагийн чадвар зэргээс нь шалтгаалж байгаа юм.

8. PROFESSOR IVO 
Профессор Ivo бол кибернетикийн чиглэлээр мэргэшсэн суут ухаантан юм. Тэрээр Amazo, Amazoid, Composite Superman, Kid Amazo нарыг бүтээсэн ба мөн T.O.Morrow-тай хамтран Red Volcano-г бүтээжээ. Түүнчлэн тэр Tomorrow Woman-ийн эх биеийг бүтээсэн юм. Ivo маш ухаантайгаас гадна Android биетийн анхдагч юм.

7. T.O.MORROW
Т.О.Morrow бол шинжлэх ухаан, робот, техник технологийн салбарт харьцуулагдашгүй суут ухаантан юм. Тэрээр Red Tornado, Red Inferno, Red Torpedo нарыг бүтээсэн ба дээр дурьдсанчлан Ivo-той хамтран Red Volcano-г бүтээлцсэн нэгэн бөгөөд мөн Tomorrow Woman-д хиймэл зүрх сэтгэл бүтээсэн байна. Тэрээр гайхалтай нарийн төвөгтэй схемүүд болон чамин этгээд бүтээлүүдийг бүтээдэг.

6. TED KORD 
Үнэндээ Ted буюу хоёрдох Blue Beetle нь энэ жагсаалтанд дээгүүр байр эзлэх ёстой байсан. Учир нь тэрээр олон тербум долларын хөрөнгөтэй компанийн удирдагч ба өөрт хэрэгтэй бүхий л техник технологи, тоног төхөөрөмжийг зохион бүтээж гэмт хэрэгтнүүдтэй тэмцдэг төдийгүй нисэх онгоц, хими, физик, инженерчлэл, нар болон харь гаригийн технологийн талаар гүнзгий ойлголттой суут ухаантай нэгэн юм. Мөн түүний IQ 192 бөгөөд дэлхий дээрх хамгийн шилдэг шинжлэх ухаанч сэтгэлгээтэй хүн ба түүний тархи DC ертөнцөд маш үнэ цэнтэй юм. Дашрамд хэлэхэд тэрээр Booster Gold-ийн хамгийн сайн найз ба гурав дах Blue Beetle болох Jaime-ийн чиглүүлэгч багш юм.

5. BATMAN
Batman бол гайхалтай өргөн мэдлэгтэй нэгэн ба дэлхий дээрх хамгийн аналитик сэтгэлгээтэй хүн юм. Мөн түүний хөрөнгийн талаар дурьдаад ч хэрэггүй ба тэрээр 25 нас хүртлээ физик, биологи, хими, дэвшилтэт хими, компьютерийн шинжлэх ухаан, эрүүгийн шинжлэх ухаан, инженерчлэл, технологийн чиглэлээр эрдмийн зэрэг хамгаалжээ. Мөн тэр маш гарамгай шүүхийн шинжилгээ, ажиглалт, индукц дедукцын аргаар анализ хийж, стратеги боловсруулж чаддаг бөгөөд ямар нэгэн үйл явдал бүрт төлөвлөгөөтэй ажиллаж, түүний эсрэг төлөвлөгөө гаргаж, ямар ч нууцлаг зүйлыг үл хамааран цөөн тооны өгөгдөлтэй байсан ч хүссэн дүгнэлтэнд хүрж чаддаг. Тэр ч бүү хэл ямар нэгэн муу зүйл тохиолдож магадгүй гэж үзсэний улмаас Шударга ёсны лигийг унагаах маш олон аргууд түүнд байдаг. Үүнд Martian Manhunter-ийг шатаах, Flash-ийг барьж гацаах, Superman-ийг криптонит сумаар буудаж унагаах зэрэг орно. Эцэст нь хэлэхэд Batman-ийг бид супер хүчгүй гэж боддог ч үнэндээ түүний супер хүч бол түүний гайхамшигт хурц оюун ухаан юм.

4. MR.TERRIFIC
Mr. Terrific бол нилээн төвөгтэй хэцүү ур чадваруудыг хялбархан сурах чадвартай тэр чигтээ өргөн мэдлэгтэй хүн ба тэрээр инженерчлэл, анагаах ухаан, шинжлэх ухааны олон чиглэлээр мэргэшсэн нэгэн юм. Mr. Terrific байгалиас заяагдсан юмыг хялбархан сурах чадвараа ашиглан одоогийн байдлаар 14 докторын зэрэг хамгаалсан байна. Ердөө зургаахан настай байхдаа тэрээр аль хэдийн цаг хугацаа, сансар огторгуйн онолыг сурч мэдээд зогсохгүй Нильс Бор, Альберт Эйнштейн, Макс Планк, Ричард Фейнман нарын бүтээлүүдийг уншиж, судалчихсан байжээ. Мөн нэгэн сонирхолтой факт хэлэхэд тэр Green Lantern, Black Canary хоёрын нэгэн зэрэг шатраар хожиж байсан гэнэ.

3. THE ATOM
Atom(Ray Palmer) бол дэлхийд алдартай физикч төдийгүй докторын зэрэгтэй суут ухаантан бөгөөд тэрээр массаа хадгалахын тулд хагас атомын түвшинд багасах боломжийг олгодог технологийг зохион бүтээжээ. Мөн тэр ямар ч асуудал байсан хамгийн хэрэгтэй, боловсронгуй шийдлийг гаргаж чаддаг байна.

2. THE BRAINIAC 
Brainiac нь DC ертөнцийн хамгийн ухаантай оршихуйнуудын нэг бөгөөд Superman-тай тоолж баршгүй олон удаа тулалдаж байсан ба тэр ч байтугай Doomsday-ийн дайныг хариуцаж байв. Нэгэн төрлийн дайсан, баатар байхыг хүсээгүй ч тэр Green Lantern Corps болон Justice League-тай хэд хэдэн удаа тулж байжээ. Тэрээр бусад зүйлүүдтэй хамт Kryptonite-ийг устгах үүрэгтэй байсан бөгөөд үүнийг хийхийн тулд 12 өөр түвшний оюун ухаан бүтээсэн юм.

1. LEX LUTHOR 
Lex Luthor бол дэлхий дээрх хамгийн ухаалаг хүн бөгөөд тэрээр орчлон ертөнцөд байдаг бүх шинжлэх ухааныг бүрэн эзэмшсэн төдийгүй тербумтан, Metropolis хотын хайрт хүн юм. Тэрээр аливаа нөхцөл байдалд хамгийн боломжтой хамгийн үр дүнтэй шийдлийг хэрэгжүүлэх чадвартай ба ямар ч үед түүнд үргэлж хариулт нь байдаг. Гэхдээ Luthor-ийн хамгийн сэтгэл хөдөлгөм зүйл бол тэрээр энгийн хүн хэрнээ энэ бүхэнд хүрч чадсан явдал юм. Түүний талаар хувирах, супер хүч энэ тэр гэсэн зүйл юу ч байхгүй ба тархи нь бүхэл бүтэн гаригийн хэмжээгээр сэтгэдэг нь л түүнийг DC ертөнцийн хамгийн ухаалаг дүр болгодог юм.