ДЭЛХИЙН ХАМГИЙН АЮУЛТАЙ АН ХИЙДЭГ 10 АМЬТАД

10. КОМОДО ЛУУ
Комодо луу нь дэлхий дээрх хамгийн том гүрвэл ба нас бие гүйцсэн Комодо нь 2.3-2.6 метр хүртэлх урттай байдаг бол харин жин нь 160кг жинтэй байдаг. Комодо луу нь Индонезийн таван арлын халуун орны хуурай ой, саваннанд амьдардаг. Комодо луунууд хүчирхэг хөл, хурц шүдээ ашиглан олзоо алдаг ба тэдний шүлс нь хор агуулдаг учраас түүнд хазуулсан хүн 24 цагийн дотор цусны хордлогын улмаас үхэх болно.

9. ЦООХОР ИРВЭС
Цоохор ирвэсүүд Төв Азийн өндөр ууланд амьдардаг бөгөөд тэд үзэсгэлэнтэй зузаан, саарал үстэй гэдгээрээ алдартай. Харамсалтай нь амьдрах орчин хомсдож, хулгайн ан амьтнаас болж дэлхий дээр цоохор ирвэсийн тоо цөөхөн үлдсэн байна. Мөн цоохор ирвэсийн өтгөн саарал үс нь бүх улирлын цаг агаарт тохирдог ба тэдний бие махбодь нь мөн хатуу ширүүн, уулархаг ууланд амьдрахад дасан зохицдог. Нэг үсрэлтээр тэд 15 метрийн зайг хүртэл үсрэж чаддаг. Цоохор ирвэсийн өргөн тавхай нь үслэг эдлэлээр бүрхэгдсэн байдаг болохоор тэд цасан дээр хялбархан алхдаг.

8. ДАВСТАЙ УСНЫ МАТАР
Австралийн хойд хэсэг, зүүн өмнөд азид амьдардаг энэ матар нь хамгийн том хэвлээр явагч юм. Нас биед хүрсэн энэ матар дунджаар 4.8-7 метр урт, 1.6 тонн хүртэлх жинтэй байдаг. Энэнээс ч том хэмжээтэй үзэгдсэн тухай баримт бий. Тэд усны одос үхрийн хэмжээтэй амьтдыг ч алж идэх чадвартай. Тэд хамгийн аюултай үхлийн дайралтаа хийхдээ хүн юмуу амьтныг амаараа зуугаад усанд "үхлийн эргүүлэг" хийн алдаг. Нэг тонн жинтэй амьтныг энэ үйлдлээрээ нэг минут ч хүрэхгүй хугацаанд алдаг байна. Энэ матар усан дотор дельфин шиг л хурдан хөдөлдөг юм.

7. БҮРГЭД

Бүргэд бол Хойд Америкийн хамгийн том махчин шувуу ба тэд тив даяар уул, толгод, цохио, шилмүүст ойд амьдардаг. Нас бие гүйцсэн бүргэд 26-40 инч урттай, 7 кг жинтэй байдаг. Өргөн далавчийнхаа ачаар бүргэдүүд тэнгэрт дүүлэн нисдэг ба өндрөөс доош шумбах боломжтой байдаг. Ийм шумбалтын үеэр бүргэд цагт 200 миль хурдтай явж чаддаг гэнэ. Бүргэд бол бүх шувуу дундаас хамгийн хүчирхэг нь юм.

6. УСНЫ ҮХЭР
Энэ аварга том болхи амьтан амьдралынхаа 70% гаруй хувийг усанд өнгөрүүлдэг гэдгээрээ үндсэндээ усны амьтан боловч хуурай газарт 48 км/цаг хүртэл хурдалж чадна. 3,5 тонн хүртэл жинтэй энэ аварга амьтан жилдээ 2800 гаруй хүний амь насанд хүрдэг.

5. ЦАГААН БААВГАЙ 
Умард туйлын энэ аварга биет амьтан ихэвчлэн далайн хаваар хооллодог ба хүний толгойг салтал алгадах чадалтай. Цагаан баавгай бусад төрлийн баавгайнуудаасаа хамгийн махчин нь ба далайн арслан, халим, цаа буга, шувуу, загас, тэр ч бүү бусад цагаан баавгайгаа ч иддэг.

4. АРСЛАН 
Нас бие гүйцсэн арслан дунджаар 160-250 кг жинтэй байдаг. Ихэвчлэн хүмүүсээс алс байдаг энэ амьтан үнэхээр өлсөөгүй л бол хүн рүү тэр бүр дайрдаггүй. Гэсэн ч жилд 50-100 хүн арслантай тулгарч нас бардаг.

3. ХАР МАМБА
Маш аюултай, нэг хатгалтаар амь насанд хүрч болзошгүй. Түүний хорны тун маш өндөр тул шууд амьсгаа бооход хүргэнэ.

2. АВАРГА МАХЧИН ЗАГАС
Энэ аварга том махчин загас нь бүх далайн эрэг орчмоор амьдардаг. Тэд 6 метр урт, 5 тонн жинтэй. Аварга цагаан дулан бол дэлхийн хамгийн том махчин загас юм. Өөрийн төрлөөс үлдсэн цорын төрөл нь тэд билээ. Тэд хүн рүү алахаар довтолдоггүй ба харин тэдний юу болохыг шалгаж үзэхээр хаздаг. Учир нь тэд тухайн олз нь идэхэд тохиромжтой эсэхийг шалгахын тулд ихэвчлэн хазаж үздэг байна. АНУ-д сүүлийн 100 жилийн хугацаанд махчин загасанд бариулж нас барсан хүний тоо нохойд хазуулж өнгөрсөн хүмүүсийн тооноос олон гэсэн дүн гарчээ.

1. БАР 
Бараг 3.3 метр урт, 300 гаруй кг жинтэй Felidae хэмээх барын гэр бүлийн хамгийн том гишүүн юм. Бенгалын бар, Сибирийн бар, Малайзын бар, Индокытай бар, Суматран бар, Өмнөд Хятад бар зэрэг нь барын амьд дэд зүйл юм. Барууд Ази тив даяар ой мод, намаг газарт амьдардаг. Арслангаас ялгаатай нь тэд ганцаараа ан хийдэг амьтад бөгөөд энэ нь тэднийг жагсаалтын нэгдүгээр байранд бичигдэхэд нөлөөлсөн юм. Барууд нь шөнийн цагаар маш сайн харж чаддаг учраас ихэнхдээ шөнийн цагаар ан хийдэг.